Ang unang beses na sya ay ginupitan ng buhok. Dito ko sya nakitang nagwala ng ganito. Noong una enjoy sya sumakay sa mini car na upuan, ngunit nung i-ready na sya para sa gagawing paggupit ng kanyang buhok, sya ay nagsimula ng umiyak at sumigaw ng "No!" Maligayang araw ng Huwebes sa lahat!
Ito ang ilan sa mga paborito kong gamit. May mga istorya ang bawat gamit ko na nasa larawan. Ang pinakamemorable syempre ay ang aking wedding ring at ang "replacement" sa aking engagement ring. Sa hindi po nakakaalam, ang aking "original" na engagement ring ay nawala 3 araw bago ako ikasal. Nanghihinayang pa rin ako hanggang ngayon kapag naaalala ko ang buong pangyayari. Yan ay nawala sa Mendez spa sa SM Megamall habang ako ay nagpapamper ng sarili ilang araw bago ang aking big day. Inisip ko na lamang na siguro may mas importante pang bagay na darating sa akin at mas marami pa ngang blessings ang dumating. Salamat sa pagbabasa at maligayang araw!
Maligayang Huwebes sa lahat! Malapit na naman ang Sabado at siguradong babalikan namin ang lugar na ito dahil meron kaming mga kaibigang ipapasyal. Ito ang Old port dito sa Montreal. Magandang pasyalan at puntahan ng mga taong mahilig manood ng iba't ibang palabas. Meron ditong park kung saan pwedeng mag-picnic, magbasa ng libro or kahit mag-sun bathing. Ang kanilang science center ay libangan naman ng mga taong mahilig sa imax. Pwede mo rin ikutin ang lugar sa pamamagitan ng pagsakay sa tricycle or kalesa. Dito rin makikita ang mga taong mahilig magpakita ng kanilang talento. Isang street dito ay puno ng mga taong kumakain ng apoy, tumutugtog ng piano, violin, guitar at kung ano ano pa. Meron din mga kumakanta, sumasayaw, clowns na nagpapatawa at mga estatwang gumagalaw kapag binigyan mo ng pera. Sa paligid nito ay punong puno din ng mga restaurant. Dito sa dalampasigan na ito may mga cruise na dumadaong at nagsisilbing sakayan ng mga taong gustong makita ang Montreal sa pamamagitan ng St. Lawrence river.
Ito ang aking mag-ama habang naglalaro isang hapon na papalubog ang araw. Sinama ko na sila para maiba. :) Medyo matagal ko na rin kuha itong larawang ito, mga isang taon na rin ang nakakaraan. Di po ba ang araw ay lumulubog sa kanluran?
Ito ang mga tulips na nakuhanan ko nung spring, mahahaba at luntian ang kanyang mga stems diba? Maligayang araw ng huwebes sa lahat.
Hello! eto ang napili kong lahok sa linggong ito, ang parliament building sa Ottawa. Gusto ko sana may maipakita akong modelo na balingkinitan, kaya lang diko sila mahanap. :)
Nahirapan ako maghanap ng lahok sa linggong ito. Ito ang "view" ng Atlantic ocean dito sa Casablanca, Morocco. Tuwing "summer" ito ang nagsisilbing pasyalan dito, marami ding turista ang "nag-susurf at nag-s-swim" dito.
Ito ang "blocks" na isa sa mga paboritong laruan ng aking anak. At pagkatapos nya ito paglaruan, ito ay madalas nya ibato at ikalat sa buong bahay. Ito ang isa sa naging regalo namin sa kanya noong nakaraang pasko.
Bukod sa isang lampara sa gilid ng aming kama, eto ang isa pang ilaw na nagbibigay liwanag sa aming kwarto na madalas paglaruan ng aking anak na si Elyse.
